Undur! Hundur datt í sundur...

Faðir minn fór í sund í dag til að vera ólyktandi í mótmælagöngu dagsins. Á leið til laugar sá hann stóran hóp fólks marsera í átt að miðbænum. Leist honum allvel á hópinn því það gæfi góð fyrirheit fyrir mótmælin að svo margir væru þegar að hópast að. Eftir að hafa skolað af sér mesta skítinn hélt hann niður í bæ en þar brá svo við að fjöldinn var töluvert undir þeim væntingum er hann hafði gert sér vonir um. Spurðist hann fyrir um hverju þetta sætti og fékk þau svör að fylkingin sem hann sá fyrr um daginn samanstóð af hundaeigendum.

Mikið þykir mér sorglegt sem stoltum Íslendingi að vita til þess að fleiri mæti í göngu hundaeigenda en göngu þar sem því er mótmælt að farið sé með okkur eins og hunda.

Um þúsund mótmælendur

Athugasemdir

[Baldur (IP-tala skráð) 1.11.2008 kl. 20:43]

Sæll.  Sammála, en ef þú rýnir í málið, skoðaðu hverjir standa að þessu? Hörður Torfa, Stulli vörubílstjóri, Ástþór Magnússon!  Þá er maður frekar heima.  Það á enginn samleið með þessu fólki, listamenn mæta jú reyndar í öll mótmæli, sumir þeirra vita jafnvel ekki hverju er verið að mótmæla.  Ástandinu á að mótmæla en held að flestir fái kjánahroll með þessu fólki, það dugði okkur vinunum að sjá Stulla vörubílstjóra í fréttunum til þess að verða hálf óglatt og fengum kjánahroll.  Hörður Torfa er svo lítt skárri.

[Heidi Strand, 1.11.2008 kl. 21:21]

Fólk hugar að þeim sem stendur þeim  næst. Hundurinn er kannski það dýrmætasta. Ekki svíkur hann okkur eins og stjórnmálamennirnir.

Ásþór Magnússon kom ekki nálagt fundinn.

Fundurinn var frábær og er ég bjartsýn um framhaldið. Það er mikinn hiti í fólkið.
Við skulum ekki gleyma hver eiga fjölmiðlanna.

[Andrés.si, 2.11.2008 kl. 00:00]

Baldur. Rétt væri að þú skrá þíg hérna inn áður.   Þetta var gott frá hverjum sem skipulagði þetta. En mér finnst að þú litur niður á listamenn og ofantalin fólk.  Eru þeir verri en Davið, Geir og aðrir?