Langt síðan maður hefur migið á hund.....

Við erum nú loksins komin í eigið hús og næði, en næðið er þó ekki meir en það að náðhúsið er hurðaandvana. Nú kúkar Tinna litla fyrir allra augum og ég þarf að spegla mig með áhorfendur. Klósetthurðin var semsagt víðsfjarri er við mættum galvösk á svæðið en samkvæmt nýjustu fregnum er hún bara rétt ókomin.

En að náðhúsónæðinu undanskildu erum við komin í fjandi gott pleis. Það er ólýsanlegt, eftir að vera búinn að vera á vergangi síðan elstu menn muna ( þessir elstu menn muna nefnilega ekkert en tæpa tvo mánuði), að vera komin í sitt eigið. Hér getur maður huggað sjálfið sem er búið að vera í algjörum mínus frá útför minni. Við erum búin að eyða ellilífeyri foreldra minna í húsgögn og verð ég að segja að peningunum var þar vel eytt. En nú erum við á rjúkandi kúpunni og Tinni þarf að selja sinn gullfallega líkama til að eiga fyrir Debenhams ferðum mínum. Eins og er erum við bara tveir sem nýtum okkur þessa þjónustu hennar en vonandi eru bjartari tímar framundan í þeim efnum.

Til ykkar sem hafa ekki staðið sig í stykkinu að hafa samband þá er hægt að benda á nýtt símanúmer sem ég hef eignað mér og hljómar það svona; tuttuguogsjö, sextíuogfjórir, fjörutíu og síðast en ekki síst áttatíuogtveir. Og fyrir örvitana þá setur maður +45 fyrir framan númerið hvis du ringer fra Island. Ég bíð við símann í ofnæmi öll kvöld en enginn hringir.

þar til næst, fokk off

siggilitligleðigjafi

Athugasemdir

[Jói sæti (IP-tala skráð) 1.10.2007 kl. 22:49]

Sæll gamli steggur. Ekkert af því sem ég kenndi þér í Montpellier í vor hangir eftir í teflon-hausnum á þér. Þú ert alltaf sami (sóða) seggurinn.

Annars var alveg yndislegt að sofa hjá þér þessa daga þarna í Frans þar sem við sváfum saman í rúminu undir regnbogafána samkynhneigðra í nokkra daga. (Þetta er alveg satt! Þið sem lesið þetta). En ég tók þessu alltaf sem gríni þangað til þú fórst og mátaðir og keyptir pelsinn á þig á útimarkaðnum. (Þetta er líka satt!). Sakna þín samt.

Við hér í 101 söknum þín líka en auðvitað þegar menn eru orðnir heimsfrægir þá eru þeir ekkert að láta vitnast að þeir hafi lagst svo lágt að umgangast kennaraskríl og önnur óbermi sem við hér köllum æsku landsins.

Vertu svo glaður og reyndu að drulla þér til að standa þig þarna hjá Baununum svo að þeir sjái að þú sért ekki alger aumingi með hor.

Bíttu svo í pxxxxxx á þér honí. "Love is in the air"

Kveðjur frá okkur á "Holtinu."

Jói sæti

[Sigurður Eggertsson, 2.10.2007 kl. 09:46]

Sæll Jói minn, þetta var virkilega notalegur tími i faðmi þínum í France.

Og já, ég viðurkenni það hér með að hafa lagst svo lágt að umgangast kennaraskrílinn og þau óbermi sem honum fylgja. Að viðurkenna þetta getur vissulega komið í bakið á mér nú þegar heimsfrægðin blasir við en ég bara verð að koma þessu frá mér, upp á yfirborðið. Allavega áður en þessu er lekið í fjölmiðla.

Hafðu það gott Jói sæti og skilaðu kveðju til allra á kennarastofunni, nema Gulla.

[Bergdís (IP-tala skráð) 2.10.2007 kl. 14:03]

Hæ, sorrí að ég sé búin að vera að standa mig illa að hafa samband.. en ég var úti í Brussel í 2 vikur og er nýkomin heim. Ég hringi í þig bráðum!

[Tryggvi (IP-tala skráð) 3.10.2007 kl. 21:56]

Hvert hafa dagar lífs míns Sigga sínum glatað?