Eistun komin niður....

Loksins orðinn alvöru karlmaður. Enda kominn tími til, 25 ára gamall. Já tuttuguogfimm! Marga rekur kannski í rogastand við að heyra hve árin eru mörg og trúa hvorki eigin eyrum né augum. Unglegt útlit má rekja til áralangrar notkunar á Face-protector (protect your face from drying effects of the wind, sun and cold) og skeggvaxtar á við fjögurra vetra stúlkubarn. En nú er það liðinn tími, nú er ég orðinn karlmaður. Eistun komin niður, hárvöxtur þekur grófgerðan líkamann, röddin minnir ekki lengur á saklausan skóladreng heldur skítugan bifvélavirkja, áhugi á fagurfræði og tilfinningum víkur fyrir áhuga á formúlunni og fótbolta og nú rétt í þessu var ég að tryggja mér áskrift að soraklámsíðu.
En hvers vegna þessi mikla breyting og hví nú? Svarið er einfalt. Ég fékk byssu í hönd og fór að skjóta! Fór með Þorbirni vini mínum til fjalla að skjóta rjúpur. Klæddur í veiðigallann (ekki flegna þrönga bolinn heldur kraftgallann) með hólk við hönd fann ég testósterónið streyma um líkamann og fylla hvert holrúm af árasárgirnd. Upp í óbyggðum höfðumst við við (skemmtilegt; við við), snæddum saman snjó og héldum hlýju hver á öðrum. Vottur af Brokeback-fjalla-fíling en engin ástarlot fylgdu þó að þessu sinni. Bara karlmannleg væntumþykja.

Eftirmáli; Engin rjúpa var skotin að þessu sinni. Aðalástaða þess var að ekki einn einasti fugl var sjáanlegur á svæðinu. Við reyndum að skjóta á rollur en þá kom einhver arfavitlaus bóndi og stoppaði það. Hann skutum við.

þar til næst, fokk off
siggilitligleðigjafi

Athugasemdir

[Björn (IP-tala skráð) 13.11.2007 kl. 11:31]

Hvaða maður með réttu ráði myndi láta þér hlaðna byssu í hönd?  Svo ég tali nú ekki um að fara svo með þér til fjalla.  Er Þorbjörn orðinn lífsleiður? Eða er hann einfaldlega eins og nafnið gefur til kynna þornari öðrum Björnum?

[Sigurður Eggertsson, 13.11.2007 kl. 16:10]

Ég spurði mig að þessu í sífellu en fann við þessum háskaleik hans engin svör. Hann hlýtur bara að vera svona þorinn Björninn.