Bikarmeistarar

Urðum bikarmeistarar í gær eftir auðveldan leik í gær. Hálfglatað að vera búinn að gíra sig upp í spennuleik en vera síðan bara í bröndurunum og súkkulaðiáti allan seinni hálfleik á bekknum. Ég fékk talsvert óó snemma leiks og spilaði ekkert eftir það. Vissulega svekkjandi þar sem ég var búinn að spila leikinn ótal oft í höfðinu og samkvæmt þeim leikjum sem fóru þar fram var ég með um og yfir 20 mörk í leiknum. Ég tognaði illa á nára og telja læknar litlar líkur á að ég geti gengið á ný. Það er ver en titill í hús er nokkur sárabót í þeim efnum. Einna mestu skemmtun eftir leik var að finna á heimasíðu Fram þar sem einhver mannvitsbrekkan vill skella skuldinni á dómara leiksins. (Reyndar má taka það fram í þessu samhengi að umrædd brekka vill ávallt meina að dómararnir eigi stærstan hlut í máli ef Fram missir stig.) Eftir dágóðan fögnuð í klefanum eftir leik var haldið í sigurferð til Prag þar sem við unum okkur þar til á miðvikudag í næstu viku. Landslið, atvinnumennska, Íslands- og Bikarmeistaratitill. Nú getur maður loksins hætt þessarri boltavitleysu og farið að gera eitthvað gagn.

Valur bikarmeistari í sjötta sinn eftir sigur á Fram, 30:26

Athugasemdir

[Jón Birgir Valsson, 2.3.2008 kl. 18:23]

Til hamingju með glæstan sigur. Leitt með nárameiðslin. Þó þú dragir upp töluvert dökka mynd af meiðslunum. Þá vona ég nú samt að þú getir gengið óhaltur fljótlega aftur og farir að spila handbolta sem fyrst. Það yrði mikill missir af þér úr handboltanum annars. Góðan bata!

[Hjörtur Richardsson (IP-tala skráð) 3.3.2008 kl. 16:16]

Til hamingju með bikarinn, jafnaðu þig svo af meiðslunum .