Í tilefni Brendanovich...

... þá finnst mér rétt að smella inn laginu okkar. Þetta lag var samið, við það saminn texti og svo tókum við það upp á innan við klukkutíma. Þetta er fyrsta lagið sem ég hef tekið upp í alvöru græjum og er því nokkuð montinn af frumburðinum. Við spilum báðir á gítar og syngjum báðir í laginu. Fyrir þá sem ekki þekkja mun á söngröddum okkar Brendans þá hljómar hann eins og eins og maður sem hefur neitt áfengis í talsverðu óhófi yfir ævina en ég hljóma eins og að eistun hafi aldrei gengið niður. Textinn er á ensku og ég bið móður mína innilega afsökunar á því en ég vil skella þeirri skuld alfarið á Brendonator. Njótið vel og lengi og endilega kommentiði á gripinn, svona einu sinni. Maður eyðir í þetta dýrmætum tíma sem annars færi í að gráta þá válegu staðreynd að maður ætti að vera að læra. Endilega grynnkið á samviskubiti mínu með því að kommenta í hvert sinn er ég hreyfi við lyklaborðinu.

 Eitt n, samkvæmt síðustu skoðanakönnun voru "Hinar sígröðu hórur Mombasa" og "Magnús Björn Ólafsson" valin sisti félagsskapurinn í Kenya. Kom þetta nokkuð á óvart því samkvæmt áræðanlegum heimildum er þetta tvíeiki, hórurnar og Magnús, sá albesti félagsskapur sem völ er á í Kenya. 

p.s. svo var ég að setja inn skoðanakönnun um hvert sé uppáhaldslag lesenda. Ég veit svo hvert svarið verður hjá Róberti rómantíska, valsstelpunum og Oddgeiri sveitamanni en þið hin eruð mér ráðgátur. 

Athugasemdir

[Hjalti (IP-tala skráð) 8.10.2008 kl. 10:57]

Ég er með þá kenningu að þessi ruslpóstvarnarsía sé með of flóknar stærðfræðilegar spurningar og því fáir þú engin komment. Ég meina, það hlýtur bara að vera.

En við lagið ykkar Brendans, hef ég engin komment ;)

[Ásdís Thoroddsen (IP-tala skráð) 11.10.2008 kl. 01:22]

Ásdísi frænku líkar best lagið um Valsstúlkurnar. Þótt hún hafi auðvitað ekki skilið það.

[Sigurður Eggertsson, 11.10.2008 kl. 01:28]

Gott að heyra frænka sæl enda er það lag vandað í alla staði og einskis við það sparað. Ég hef alltaf verið dáldið montinn af texta þess lags og það er ég viss um að þú myndir jafnvel fíla það enn betur ef þú þekktir forsöguna og stúlkurnar sjálfar.