Skjóta þá? Pæling...

Væri það ekki ráð við sívaxandi veggjakrotsvandamáli á Íslandi að sýna það í verki að svona lagað líðst ekki og barasta skjóta þessa ungu glæpamenn? Það er ég viss um að myndi draga talsvert úr veggjakroti og ungmenni um allt land tækju í stað upp betri siði. Veggjakrot er vá til að varast!

 

Ungir veggjakrotarar handsamaðir

Minnir margt á...

Þetta er ekki allsólíkt þeirri stöðu sem ég og faðir minn Eggert lentum í á árum áður. Við felldum hugi til hvors annars strax um fermingu mína en reyndum af fremsta megni að bæla niður þessar óvinsælu tilfinningar. En ástina fær ekkert hamið og í framhaldsskóla sprakk hún út, þó með talsverðri ósátt móður minnar. Að vísu er enn ekkert barn í spilunum hjá okkur feðgum en nóg höfum við þó reynt til þess arna. Vildi bara skrifa þessa örfærslu til stuðnings hinna áströlsku feðgina sem flestir finna allt til foráttu.

 

Feðgin sem eiga barn saman biðja um skilning

Ég hlýði bara...

Samkvæmt skoðanakönnun varð það ofaná að fá mér Vespu. Svo ég tilkynni hér með að ég er orðinn stoltur Vespueigandi. Ég mun ganga í það að fara í sleik við alla þá er kusu það eftir helgi.
Öllum er frjálst að taka í litlu stúlkuna mína við tækifæri. Sjálfur er ég búinn að vera á henni í allan dag og naut þess í botn.

Alfie Eggerts í sumar?

Er þetta málið? Hef pælt í þessu í nokkurn tíma... Hef velt fyrir mér kostum og göllum (svona snjógöllum) og er engu nær.

Kostir svona grips eru margir; a)Fáránlega töff (þó ekki allir sem bera það, ég og Alfie)- b)sýpur bensín úr dropateljara, eyðir svona lítra á hundraðið sem er vel með bensínlítrann í ruuuglinu- c)fínt í skreppið þegar maður býr í siðmenningunni(101), stutt á æfingar, háskóla og miðbæinn- d)ódýrara en bíll. 

 Gallarnir eru engu færri; a)móðir mín bannar mér að ferðast á svona grip vegna ótta við sonarmissi- b)maður ekur kannski ekki á þessu um hávetur eins og gefur að skilja- c)gæti svosem notað peninginn í nammikaup í staðin- d)ég hef allatíð átt erfitt með kulda, get til dæmis ekki farið í sund án þess að verða blár

 

Endilega hjálpið mér að komast að niðurstöðu með því að greiða atkvæði í skoðanakönnuninni. 

 

Frægðin kemur fólki til

Var að lesa yfir þau skilaboð sem ég hef fengið á myspace í gegnum tíðina. Rakst ég þá á eftirfarandi skilaboð:

"you dont know me... im haffi. i happened to see your profile on someone else's page. and... wow. you are an absolutely beautiful man. its incredible. you have a really pretty face. you also say that your a swinger? thats interesting. you dont seem like it.anyway... just thought i would say hi, and give you a compliment. have a great weekend babe. alwayshaffi haff "

Þegar ég fékk þessi skilaboð vöktu þau hvorki gleði né greddu eða hverjar þær tilfinningar sem mögulega hefðu átt að vakna. En nú er sko öldin önnur. Þetta er orðinn heimsfrægur maður á Íslandi og það breytir klárlega öllu. Haffi Haff er maðurinn og ég er strákurinn hans. Ég verð með slökkt á símanum í kvöld.

 

26 ára! Down hill héðan í frá....

25 sleppur alveg, ungur maður á uppleið gæti fólk hugsað. En 26! Á maður ekki að vera búinn að barna einhverja dömuna og kúldrast með henni og afstyrminu í einhverri kjallaraholunni? Ef það er takmarkið á ég langt í land. Mér líður ekki eins og 26 ára gömlum manni, ég lít ekki út fyrir að vera 26 ára gamall maður og ég haga mér ekki eins og 26 ára gamall maður en einhverra hluta vegna má lesa það út úr kennitölu minni að hér sé þrátt fyrir allt um að ræða mann sem nálgast fertugsaldurinn eins og óð fluga. Gott ef það er það er ekki farið að grilla í grá hár, nýjar hrukkur mynduðust í morgunn og þær sem fyrir voru dýpkuðu, frostið er farið að bíta í liðina og fjarsýnin er allsráðandi. Stutt er í að ég fari að tuða í stórmörkuðum og hræðast tækninýjungar. Ég stóð á toppi fjallsins en skrikaði fótur og er á hraðri niðurleið. 

Ég vil samt að fólk muni hvernig ég var, ekki hvernig ég er. 

 

Bikarmeistarar

Urðum bikarmeistarar í gær eftir auðveldan leik í gær. Hálfglatað að vera búinn að gíra sig upp í spennuleik en vera síðan bara í bröndurunum og súkkulaðiáti allan seinni hálfleik á bekknum. Ég fékk talsvert óó snemma leiks og spilaði ekkert eftir það. Vissulega svekkjandi þar sem ég var búinn að spila leikinn ótal oft í höfðinu og samkvæmt þeim leikjum sem fóru þar fram var ég með um og yfir 20 mörk í leiknum. Ég tognaði illa á nára og telja læknar litlar líkur á að ég geti gengið á ný. Það er ver en titill í hús er nokkur sárabót í þeim efnum. Einna mestu skemmtun eftir leik var að finna á heimasíðu Fram þar sem einhver mannvitsbrekkan vill skella skuldinni á dómara leiksins. (Reyndar má taka það fram í þessu samhengi að umrædd brekka vill ávallt meina að dómararnir eigi stærstan hlut í máli ef Fram missir stig.) Eftir dágóðan fögnuð í klefanum eftir leik var haldið í sigurferð til Prag þar sem við unum okkur þar til á miðvikudag í næstu viku. Landslið, atvinnumennska, Íslands- og Bikarmeistaratitill. Nú getur maður loksins hætt þessarri boltavitleysu og farið að gera eitthvað gagn.

Valur bikarmeistari í sjötta sinn eftir sigur á Fram, 30:26

Þvagmenn í Móðurleit; Ítalía

Hér er kominn síðasti pistill Fagmanna. Búnir að gera grein fyrir matsölustöðum á Laugaveginum, búnir að vekja umtal og athygli, búnir að fá Fálkaorðuna og búið að reka þá, tvisvar. Hver veit nema það birtast hin bráðfjörugu bréf sem milli Fagmenna og Fréttablaðsins fóru og jafnvel þau er milli lögmanns Fagmanna og lögmanna Fréttablaðsins fóru í því máli sem fjölmiðlar hafa síðar nefnt "Stóra Fóðurmálið". 

 

 

Ítalía

 

 

-Þvagmenn í Móðurleit-

-hádegisverður í boði herra Richie- 

 

Borðað: Ciociaria ( pizza með pepperoni, paprika og sveppum).Penne All'arrabbiata ( Pasta með ólífum, beikoni, chili og parmesan-osti í mildri tómatssósu).

 

Verð: 1900 karl. Verðið er það eina sem sviptir hulunni af þeirri tálsýn að maður sé í raun staddur á Ítalíu.

 

Gæði fæðis: Hvað getur maður sagt......

Það er svona sem matur á að bragðast.

 

Þjónusta: Einstaklega ítölsk, æst, hröð og glöð. Við vorum drifnir í sætin, sagt hvað við skildum snæða og maturinn var í munninum fjórum mínútum síðar. Þennan mikla hraða má skýra með þeirri framandi staðreynd að Ítalir telja aðeins 40 mínútur í klukkutíma.

 

Stemning: Stemningin náði þegar í stað hámarki við innkomu er eigandinn sjálfur tók á móti oss og ítalskur hreimurinn hreif mann með honum í huganum í suðræna sveiflu. Manni er farið að líða vel áður en sest er niður til snæðings (öryggisatriði). Stuttu eftir komu fagmanna fylltist staðurinn fólki (eðlilega) og rómantíkin í loftinu greip mann "by the balls".

 

Dollan: Lítil dolla fyrir litla menn. Afar smekkleg dolla,góð lykt og geðsleg aðstaða þar sem myndir af Sophiu Loren áttu hug manns allan. Dollan var þó greinilega gerð með dvergmenni í huga því allar græjur voru nánast í hnéhæð. Svo skemmtilega vildi til að tvö sett voru á einni dollu, þvagskál við hlið klósetts og býður það upp á möguleikann að hæfileikaríkir menn geta gert bæði nr.1&2 samtímis í sitthvort settið. Mælt er með því að setið sé á hlið áklósettinu ef reyna á þetta sívinsæla partítrix.

 

Kennaraeinkunn: Sjálfur Baggio skorar ekki jafn hátt og Ítalía. 35 fiskar.  

Fagmenn þakka fóðrið 

Danasauðir-gott að vera flúinn þaðan...

Meiri sauðirnir þessir Danir, var nú reyndar búinn að komast að því áður en samt kom þetta nýjasta útspil mér nokkuð á óvart. Birtu spámannsmyndina frægu og allt fór í steik... Hvað ætli þeir hafi verið að hugsa.... "væri ekki sniðugt að birta þessa óhemju vinsælu mynd bara aftur en nú í öllum blöðum, þeir verða ekkert fúlir með það þessir múslimar"
Nú er ég ekki að segja að það sé það allra skynsamlegast í stöðunni að kveikja í barnaheimilum og reyna að koma teiknaranum fyrir kattarnef. Ég hef oft verið fúll án þess að grípa til aðgerða sem þessara. EN ég skil samt sem áður að þeir séu ekki brosandi hringinn. Nógu illa hefur verið farið með blessaða múslimana og sér í lagi nú á síðustu og verstu.... Þurfti nokkuð að bæta þessu við? Svo tala einhverjar mannvitsbrekkur um málfrelsi... Þó það megi segir ekki að það eigi. Það þarf ekkert að vera með leiðindi þó að það stangist ekki við lög. Þó það sé hvergi skrifað að það sé bannað að gefa einhverjum puttann er það þó ekki ráðlegt til lengdar, einhver hlýtur að hafa eitthvað á móti því og bregðast illa við, sér í lagi ef búið er að gefa viðkomandi puttann í lengri tíma. Þannig virkar þetta nefnilega í heiminum, þú fokkast í einhverjum og oftar en ekki fílar viðkomandi það ekki og svarar fyrir sig. Þá gengur ekki að fara að væla yfir svarinu. Umburðarlyndi er ávallt dyggð.

Fagmenn í Fóðurleit; Asía

Eftir indælan snæðing á  Indókína í síðustu heimsókn okkar fagmanna biðum við í ofnæmi eftir að komast til Asíu.  

 

-Fagmenn í Fóðurleit-

-út að borða með Lionel-

 

Asía

 

 

 

Borðað:Asíuvagninn - hlaðborð með 6 réttum: Kjúklingur í engiferkryddaðri lakkgríssósu,kjúklingur í karrýsósu, kjötbollur í brúnni, núðlur, súpa og hrísgrjón.

 

 Gæði fæðis: Það eru töluverðar líkur á því að kjötbollurnar sem boðið var upp á séu þær sömu og voru á boðstólum hjá móðurömmu Lionels Ritchie fyrir 15 árum síðan, þær hafi einfaldlega verið hitaðar upp aftur. Núðlurnar voru ekki núðlur, þær voru spaghetti. Kjúklingaréttirnir voru spennandi til að byrja með en strax á þriðja bita komst upp um svikin. Það má líkja neyslu réttanna við að lesa 400 síðnabók sem byrjar spennandi en strax á blaðsíðu 11 stendur: Þú getur alveg sleppt því að lesa meira því það er ekki nokkur skapaður hlutur að fara aðgerast. 

 

Verð: 1200 karl.Alltílæ.

 

Stemning: Fallega skreyttur staður þar sem hádramatísk asísk ástarlög ómuðu yfir matnum.

Þá tilfinningaþrungnu stemningu sem asísku ástarlögin sköpuðu náðu kraftlyftingamenn á næsta borði algerlega að troða niður í svaðið með eldheitum umræðum um fæðubótarefni og hnébeygjur.

 

Þjónusta: Þreytt og metnaðarlaus þjónusta. Sjálfsafgreiðsla á hlaðborði þýðir ekki að viðskiptavinir séu ekki til. Bókin sem afgreiðslumaðurinn las var greinilega meira spennandi (að hans mati) en sjálfir fagmennirnir. Slíkt er fáheyrt. Gott dæmi um metnaðarleysi er að bjóða upp á 6 rétta hlaðborð og telja hrísgrjón og núðlur sem sér rétt.

 

Dollan: Beisk hlandstækjan býður mann óvelkominn. Það má leiða líkum að því að gólfið hafi verið skúrað upp úr þvagi. Einkadollan er aðeins skilrúm inn af megindollunni og brýtur það klárlega á friðhelgi einkalífsins. Ekki laust við að maður væri smeykur að hýrast einn á þessari guðlausu dollu.  

 

Kennaraeinkunn:Ekki upp á marga fiska. 16 fiskar.